Átti ekki nutella en vildi samt súkkulaði oná brauð. Úr varð þetta líka fína skítmix
Efni:
Súkkulaði
Rjómi
Má líka nota kókosolíu eða saxa niður hnetur og setja útí til að hafa þetta hollara
Aðferð:
Var með kreiv í eitthvað sætt svo ég henti í smákökur. Tóku max 15 mín að búa til og baka og.. borða. Uppskriftin gæti heldur ekki verið auðveldari og ég átti allt til í þeir heima. Næs
Efni:
Hnetusmjör 1/2 bolli (ég notaði 50/50 hnetusmjör og nutella 🙂 )
Egg: 1
Sykur: 1 msk (má í rauninni sleppa, því hitt er svo mega sætt)
Haframjöl (eða einhverskonar múslí): 1 bolli
Vanilludropar: 1 tsk
salt: pínkupons
Aðferð:
Forhita ofn í 175 °C
1. Hræri öllu saman, nema haframjölinu/múslíinu
2. Bæti haframjöli/múslíi saman við og hræri
3. Set inní ofn og hef þar í 8 mín
4. Tek út og borða
Ég fann fullkomna uppskrift af súkkulaði-lava kökum en súkkulaði fylling lekur út þegar þær eru skornar. Ég baka örsjaldan því mér finnst ekki gaman að mæla allt nákvæmlega, en þessi uppskrift er fljótleg og rosa góð. Hægt er að nota bæði muffins-form úr stáli, og þá koma fimm litlar kökur, eða tvær litlar glerskálar og baka þá tvær kökur.
ATH: EKki fylla formin alveg af deigi heldur bara um 3/4, annars fer allt útum allt
Efni:
2 msk smjör
2 msk sykur (ég notaði púðursykur)
2 egg
2 msk hveiti
110 gr. súkkulaði (ég fann bara daim súkkulaði-plötu svo ég notaði það)
Salt: örlítið
Aðferð:
1. Stylli ofninn á 220°C og smyr kökurformin með aðeins af smjöri.
2. Hræri smjöri og sykri saman í vél eða í höndunum þangað til blandan verður mjúk og laus við allra hnökra og kekki
3. Bræði súkkulaði: annaðhvort á skál í potti eða í örbylgjuofni
4. Bæti eggjum útí smjörblönduna (á meðan súkkulaðið bráðnar) og hræri vel, eða þar til blandan freiðir pínulítið
5. Bæti hveitinu útí blönduna og hræri vel, bæti við um 1/8 tsk af salti
6. Bæti ca. 1/3 af súkkulaðinu út í blönduna og hræri rólega saman með sleif
6. Hræri restinni af súkkulaðinu við svo blandan hafi samfelldan lit
7. Helli blöndunni í formin og set inní ofn. Ef lítil möffins stál-form eru notuð þá eiga kökurnar að vera inni í um 6 mín. Ef notaðar eru litlar glerskálar eru kökurnar inní í u.þ.b. 11 mín
8. Tek útúr ofni: en toppurinn á kökunni á að vera aðeins eftirgefanlegur en samt bakaður. Sný formunum við og lem aðeins í botninn á forminu svo kakan dettur úr.
9. Læt kökurnar standa í 5 mín og ber svo fram með ís, súkkulaðisósum eða berjum. Eða bara öllu saman.
Ég fór í afmæli til vinkonu minnar og prófaði að gera konfekt
Engifersúkkulaði:
Engifer; 2-3 cm
Suðusúkkulaði; 1 plata
1. Saxa niður engifer
2. Brýt súkkulaði í skál og bræði
3. Bæti engifernum við og hræri saman; ekki of mikið því annars fer allt í klessu
4. Móta súkkulaðikúlur með teskeiðum og set á smjör- eða álpappír. Set muldar hnetur yfir ef ég á 🙂
5. Set í frysti í korter
Ég fór í mat til vinkonu minnar um daginn* og fékk þar þennan frábæra eftirrétt, sem ég gerði svo aftur heima hjá mér seinna því hann er alltof góður. Þetta er ótrúlega einfalt og mega gott. Einnig er hægt að búa hann til þegar ofnar og hellur virka ekki! en þá væri samt betra að hafa örbylgjuofn..
Efni:
2 bananar
2 súkkulaðiplötur
Hnetusmjör
1. Sker banananana í skífur, en ekki of þunnar(um hálfan cm) og set á disk
2. Set uþb. hálfa tekseið af hnetusmjöri ofaná hverja skífu
3. Set aðra bananaskífu ofaná hnetusmjörið(nú myndast pínulítil bananasamloka) og ýti aðeins ofaná
4. Tek bráðna súkkulaðið og læk drjúpa ofan á hvern banana svo hann hylst að mestu leiti
5. Smelli öllu inní frysti eins lengi og ég nenni að bíða(helst 10 mín)
6. Tek úr frysti og kroppa í mig beint af diskinum
+ Ef þið eigið nutella, eins og mig grunar að fullt af námsmönnum eigi, þá virkar það pottþétt í staðin fyrir bráðnu súkkulaði plöturnar. Ég myndi samt frekar mæla með plötunum 🙂
*Þessi uppskrift er því í boði Rebeccu. Takk kærlega fyrir að leifa mér að nota hana :3
Fátæki Námsmaðurinn 